Xanchjou—2022 XIX yozgi Osiyo o‘yinlari 7-oktabr, shanba kuni davom ettirilmoqda.
Karate WKF yo‘nalishi bo‘yicha O‘zbekiston terma jamoasi aʼzosi Sevinch Rahimova delegatsiyamiz uchun muhim oltin medalni keltirdi.
-55 kg vazn toifasida bahs olib borgan yurtdoshimiz finalda Xitoy Taipeyi vakili Sui-Ping Kuni mag‘lubiyatga uchratishga muvaffaq bo‘ldi.
Og‘ir atletika bo‘yicha O‘zbekiston terma jamoasi a’zosi Rustam Jangabayev ham sovrindorlar qatoridan joy oldi.
+109 kg vazn toifasida bahs olib borgan yurtdoshimiz dast ko‘tarishda 190 kg, siltab ko’tarishda 233 kg, ikki kurashda esa 423 kg bilan bronza medaliga sazovor bo‘ldi. Oltin va kumush medallari Bahrayn hamda Eron vakillariga nasib etdi.
Erkin kurash bo‘yicha Parij-2024 Olimpiadasi litsenziati Javrail Shapiyev (-86 kg) o‘z shaxsiy sovrinlari kolleksiyasiga Osiyo o‘yinlari medalini ham qo‘shib qo‘ydi.
Shapiyev bronza medali uchun kechgan murosasiz bellashuvda bahraynlik Magomed Sharipovni mag‘lubiyatga uchratdi.
Shaxmat bo‘yicha O‘zbekiston erkaklar terma jamoasi Osiyo o‘yinlarida delegatsiyaga navbatdagi medalni taqdim qildi. Yigitlar jamoaviy dasturda bronza medallariga egalik qilishdi.
Izoh (0)