Futbol bo‘yicha Osiyo o‘yinlari doirasida O‘zbekiston Olimpiya terma jamoasi 7-oktabr, shanba kuni Gongkongga qarshi maydonga tushdi.
Birinchi bo‘limda bir qancha hujumlar tashkil etilgan bo‘lsa-da, bo‘lim so‘ngida hisob ochildi. Alisher Odilov ajoyib zarbasi bilan darvozani ishg‘ol qildi.
Ikkinchi bo‘limning boshida ham o‘zbekistonliklar gol urdi. 49-daqiqada Husayn Norchayev o‘z hisobiga gol yozdirib qo‘ydi. 59-daqiqada Norchayev dublni rasmiylashtirdi. 74-daqiqada Alibek Davronov ham raqib darvozasiga gol urdi.
Shu tariqa O‘zbekiston Olimpiya terma jamoasi g‘alaba qozondi va Osiyo o‘yinlarining 3-o‘rin sohibiga aylandi.
Osiyo o‘yinlari
7-oktabr, shanba
O‘zbekiston – Gongkong 4:0
Gollar: 1:0 - 43 Alisher Odilov, 2:0 — 49 Husayn Norchayev, 3:0 — 59 Husayn Norchayev, 4:0 — 74 Alibek Davronov.
O‘zbekiston U-23: 12. Vladimir Nazarov, 2. Saidazamat Mirsaidov (14. Ibrohimhalil Yo‘ldoshev, 86), 3. Mahmudjon Mahamadjonov, 5. Muhammadqodir Hamraliyev, 6. Behzod Shamsiyev (4. Shohjahon Sultonmurodov, 86), 7. Hojimat Erkinov, 8. Ibrohim Ibragimov, 11. Otabek Jo‘raqo‘ziyev (10. Jasurbek Jaloliddinov, 69), 18. Alibek Davronov, 19. Husayn Norchayev (9. Ulug‘bek Hoshimov,69), 22. Alisher Odilov (20. Ruslanbek Jiyanov, 69).
Gonkong U-23: 19. Se Ka Ving, 3. Jojo Kristian Aleksander, 4. Li Ngai Xoi, 6. Vu Chun Ming, 9. Orr Metyu Elliot Ving Kai, 10. Sun Ming Xim, 11. Pun Pui Xin, 13. Xan Jahangir, 14. Yu Jesse Joy Yin, 16. Lam Xin Ting, 22. Kang Yi Xang Ellison.
Ogohlantirishlar: Ulug‘bek Hoshimov (80), Vu Chun Ming (86).
Izoh (0)