Xanchjou—2022 XIX yozgi Osiyo o‘yinlari 5-oktabr, payshanba kuni davom ettirilmoqda.
Boks bo‘yicha O‘zbekiston terma jamoasi a’zosi Bahodir Jalolov oltin medalni qo‘lga kiritdi.
+92 kg vazn toifasining finalida bahs olib borgan Bahodir finalda azaliy raqiblaridan biri, qozog‘istonlik Kamshibek Konkabayev ustidan yana bir bor g‘alaba qozondi.
Shuningdek, Jalolov yarim finalda Parij—2024 XXXIII yozgi Olimpiya o‘yinlariga ham yo‘llanmani qo‘lga kiritgandi.
Eslatib o‘tamiz, Bahodir avvalgi bosqichlarda tojikistonlik Muhammad Abroriddinovni katta ustunlik bilan dog‘da qoldirgandi. Yarim finalda esa xitoylik Bayikevuzi Danabiekeni 1-raunddayoq nokautga uchratgandi.
Izoh (0)