Futbol bo‘yicha 2030-yilgi Jahon Chempionati 6 ta mamlakatda bo‘lib o‘tadi.
FIFA kengashining yig‘ilishi bo‘lib o‘tdi va unda 2030-yilgi musobaqani o‘z uyida qabul qilish uchun ariza yuborgan barcha mamlakatlar tanlab olishga qaror qilindi. Unga ko‘ra, JCH—2030 Argentina, Ispaniya, Portugaliya, Urugvay, Paragvay va Marokashda o‘tkaziladi.
Uchta o‘yin Janubiy Amerikada o‘tkaziladi. Ochilish o‘yini Urugvayda bo‘lib o‘tadi. Unda mahalliy terma jamoa o‘z o‘yinini o‘tkazadi. Shuningdek, Argentina va Paragvay ham guruhlardagi o‘yinlarini o‘z mamlakatida o‘tkazadi.
Turnirning qolgan o‘yinlarini esa Ispaniya, Portugaliya va Marokash o‘zida qabul qiladi.
KONMEBOL prezidenti Alexandro Domingez o‘z Twitter sahifasida: “Biz ishongandik. JCH—2030 mundial ibtidosi bo‘lgan joyda boshlanadi. Urugvay, Argentina va Paragvay Jahon Chempionatining yubiley ochilish o‘yinlarini o‘zida o‘tkazadi”.
2030-yilda Jahon Chempionatining 100 yilligi nishonlanadi. Birinchi mundial 1930-yilda Urugvayda bo‘lib o‘tgan.
Izoh (0)