Toshkent viloyatida bojxonachilar giyohvandlik vositasini ichki aʼzosiga yashirib olib o‘tmochi bo‘lgan shaxsni qo‘lga oldi. Bu haqda Davlat bojxona qo‘mitasi matbuot xizmati xabar berdi.
Qayd etilishicha, Toshkent viloyati bojxona boshqarmasi “Oybek” chegara bojxona posti xodimlari tomonidan xorij fuqarosi Body scanner qurilmasi yordamida bojxona nazoratidan o‘tkazilgan.
Natijada ushbu shaxs 8 dona o‘ramdagi 376,5 gramm opiy giyohvandlik vositasini ichki aʼzosiga yashirib, yurtimizga olib kirmoqchi bo‘lgani aniqlangan.
Hozirda ushbu holat yuzasidan bojxona organlari tomonidan tergov harakatlari davom ettirilmoqda.
Bundan oldin Jizzax va Qashqadaryoda qariyb salkam 15,5 kilo giyohvandlik vositasining noqonuniy savdosiga chek qo‘yilgani to‘g‘risida xabar berilgandi.
Izoh (0)