Ichki ishlar vazirligi “Voyaga yetmagan shaxslarga otaliqqa olayotgan mutasaddilarni tayinlash tartibi to‘g‘risidagi nizomni tasdiqlash haqida”gi hukumat qarori loyihasini muhokamaga qo‘ydi.
Hujjat bilan “Oila—mahalla—maktab—mustaqil hayot” tamoyili asosida har bir tarbiyasi og‘ir o‘smirlarni mustaqil hayotga tayyorlash davrida ular bilan yakka tartibda ishlash uchun mutasaddilar tomonidan otaliqqa olish tartibi joriy etilmoqda.
Voyaga yetmagan shaxslarni otaliqqa olayotgan mutasaddilarning asosiy vazifasi etib, har bir tarbiyasi og‘ir o‘smirlarni mustaqil hayotga tayyorlash davrida ular bilan yakka tartibda ishlash belgilansadi.
Bolalar masalalari bo‘yicha milliy komissiya manfaatdor vazirlik va idoralar bilan birgalikda voyaga yetmagan shaxslarni otaliqqa olayotgan mutasaddilarni ro‘yxatlarini shakllantirish choralarini ko‘radi.
Ichki ishlar vazirligi jinoyat sodir etgan yoki jinoyat qilish mumkin bo‘lgan, g‘ayri-ijtimoiy xatti-harakatlarni sodir etishi mumkin bo‘lgan hamda nazoratsiz va qarovsiz qolgan voyaga yetmaganlarning ro‘yxatini shakllantiradi hamda Bolalar masalalari bo‘yicha Qoraqalpog‘iston Respublikasi, viloyatlar va Toshkent shahar hamda tuman (shahar) komissiyalariga taqdim etadi.
Belgilanishicha:
- voyaga yetmagan shaxslarni otaliqqa olish huquq-tartibot idoralarining, barcha darajadagi davlat va jamoat tashkilotlari rahbarlari va o‘rinbosarlari, hokimliklar, taʼlim muassasasi direktorlari va mahalla raislari tomonidan amalga oshiriladi;
- voyaga yetmagan shaxslarni otaliqqa olgan mutasaddilar har olti oyda bir marta tuman (shahar) hokimlariga amalga oshirgan ishlari yuzasidan hisobot beradi;
- otaliqqa olayotgan mutasaddilarni tayinlash bolalar masalalari bo‘yicha tuman (shahar) milliy komissiyasi tomonidan qaror qabul qilinishi asosida amalga oshiriladi.
Eslatib o‘tamiz, iyul oyida Shavkat Mirziyoyev ishtirokida bo‘lib o‘tgan IIV kengaytirilgan hay‘at yig‘ilishida yoshlar o‘rtasidagi jinoyatlarni kamaytirish bo‘yicha har bir hokim o‘zi o‘zgarish qilishi shartligi ko‘rsatib o‘tilgandi. Shuningdek, O‘zbekistonda yagona 112 tezkor raqami va dispetcherlik tizimi ishga tushirilishi, Yoshlar o‘rtasidagi jinoyatlarni kamaytirish bo‘yicha har bir hokim o‘zgarish qilishi shartligi ko‘rsatib o‘tilgandi.
Izoh (0)