“Ommaviy ahamiyatga ega noyob va alohida muhim obyektlarning eskiz loyihasini ishlab chiqish uchun buyurtmachi xizmati tomonidan arxitektura tanlovini o‘tkazish tartibi to‘g‘risidagi nizomni tasdiqlash haqida”gi hukumat qarori qarori qabul qilindi.
Nizom ommaviy ahamiyatga ega noyob va alohida muhim obyektlarning eskiz loyihasini ishlab chiqish uchun buyurtmachi xizmati tomonidan arxitektura tanlovini o‘tkazish tartibini belgilaydi.
Buyurtmachi xizmati:
- tanlovga qo‘yiladigan obyektni Iqtisodiyot va moliya vazirligining g‘aznachilik tizimida ro‘yxatdan o‘tkazadi;
- tanlovni o‘tkazish shakli, loyihaning tavsifi va boshlang‘ich narxi, tanlovni o‘tkazish joyi, moddiy rag‘bat miqdori va taklif berish muddati haqida “Shaffof qurilish” milliy axborot tizimi orqali eʼlon beradi.
Tanlovda faqatgina arxitektura-shaharsozlik hujjatlarini ishlab chiqish, xavfi yuqori bo‘lgan obyektlarni va potensial xavfli ishlab chiqarishlarni loyihalashtirish, qurish hamda ulardan foydalanish faoliyati bilan shug‘ullanish huquqini beruvchi litsenziyalarga ega bo‘lgan loyiha tashkilotlari ishtirok etishi mumkin.
Ishtirokchilar takliflari quyidagi tarkibdagi komissiya tomonidan baholanadi:
- Qoraqalpog‘iston Respublikasi Vazirlar Kengashi raisi, viloyatlar va Toshkent shahar xokimlarining o‘rinbosarlari;
- Iqtisodiyot va moliya vazirligining hududiy boshqarmalari boshliqlari;
- obyekt bo‘yicha buyurtmachi xizmati rahbari;
- obyektdan yakuniy foydalanuvchi tashkilot rahbari;
- hududiy arxitektura-shaharsozlik kengashi aʼzolari.
Ishtirokchilar quyidagi mezonlardan kelib chiqib 100 ballik meʼyor bo‘yicha baholanadi:
Hujjat qonun hujjatlari ma’lumotlari milliy bazasida e’lon qilingan va 2023-yil 23-sentyabrdan kuchga kirdi.
Sentabr boshlarida “Yuksalish” umummilliy harakati qoshidagi “Shaharsozlik to‘lqini” tashabbusi O‘zbekistonning yosh arxitektorlari mustaqil uyushmasiga aylantirilgani to‘g‘isida xabar berilgandi.
Izoh (0)