Qozog‘istonning Chimkent shahrida yetti yildan beri xalqaro qidiruvda bo‘lgan o‘zbekistonlik qo‘lga olindi. Bu haqda OTYRAR xabar berdi.
![](/static/nigora/9b88a196-53a0-4702-8e7e-3ec4f55747cd.jpeg)
Ma’lum qilinishicha, Turkiston viloyati IIB ekstremizmga qarshi kurashish bo‘limi xodimlari narkotik moddalar bilan bog‘liq jinoyat sodir etgani uchun 2016-yildan buyon xalqaro qidiruvda bo‘lgan O‘zbekiston fuqarosini aniqladi.
Gumonlanuvchi Sariag‘ash tumani IIB vaqtinchalik saqlash izolyatoriga joylashtirilgan. Uni O‘zbekistonga ekstraditsiya qilish rejalashtirilgan.