A Seriya. “Inter” derbida “Milan”ni tor-mor etdi, “Yuventus”da ishonchli g‘alaba (video)

Futbol bo‘yicha Italiya A Seriyasining 4-turidan o‘rin olgan qator o‘yinlar 16-sentabr, shanba kuni bo‘lib o‘tdi.

“Inter” derbida “Milan”ga qarshi bahs olib bordi va 5:1 hisobida g‘alaba qozondi. “Inter” safida Mxitaryan dubl qayd etgan bo‘lsa, Tyuram, Chalhano‘g‘lu va Fratezzilar bittadan gol muallifiga aylandi. “Milan” tarkibida Rafael Leau o‘z hisobiga gol yozdirib qo‘ydi. 

“Yuventus” “Latsio”ga qarshi bahs olib bordi. Uchrashuvning 10-daqiqasida Dushan Vlahovich hisobni ochdi. 26-daqiqada Kyeza hisobni ishonchli ko‘rinishga olib keldi. 64-daqiqada Luis Alberto rimliklar safida gol muallifiga aylandi. Oradan uch daqiqa o‘tib, Vlahovich dublni rasmiylashtirdi. Qolgan daqiqalarda darvozalar ishg‘ol etilmadi va turinliklar 3:1 hisobida zafar quchdi.

“Napoli” esa “Jenoa” bilan 2:2 hisobida durang qayd etdi.

A Seriya

4-tur bahslari

16-sentabr, shanba

“Inter” – “Milan” 5:1

Gollar: 1:0 – 5 Mxitaryan, 2:0 – 38 Tyuram, 2:1 – 57 Rafael Leau, 3:1 – 69 Mxitaryan, 4:1 – 79 Chalhano‘g‘lu (penalti), 5:1 – 90 Frattezi.

“Inter”: Zommer, Dumfris, Darmian, Acherbi, Bastoni (de Vrey, 74), Dimarko (Karlos Augusto, 64), Mxitaryan, Chalhano‘g‘lu (Aslani, 81), Barella (Frattezi, 64), Tyuram (Arnautovich, 64), Martines.

“Milan”: Menyan, Kalabriya (Florensi, 77), Kyer, Tiav, Ernandes, Krunich, Loftus-Chik (Musa, 86), Reynders (Yovich, 77), Pulishich (Chukvueze, 56), Rafael Leau, Jiru (Okafor, 77).

Ogohlantirishlar: Tiav (24), Ernandes (61), Chalhano‘g‘lu (72), Frattezi (90).

“Yuventus” – “Latsio” 3:1

Gollar: 1:0 – 10 Vlahovich, 2:0 – 26 Kyeza, 2:1 – 64 Luis Alberto, 3:1 – 67 Vlahovich.

“Yuventus”: Shensni, Danilo, Bremer, Gatti, Makkenni (Vea, 72), Kostich (Kambyazo, 59), Rabyo, Lokatelli, Miretti (Fajoli, 59), Kyeza (Milik, 83), Vlahovich (Kin, 84).

“Latsio”: Provedel, Marushich, Romanoli, Kazale, Hyusay (Pellegrini, 46), Luis Alberto, Kataldi (Rovella, 46), Kamada (Genduzi, 78), Felipe Anderson (Pedro, 73), Zakkani, Immobile (Kastelyanos, 69).

Ogohlantirishlar: Miretti (8), Bremer (16), Gatti (61), Kambyazo (77), Vlahovich (82), Pellegrini (84).

“Jenoa” – “Napoli” 2:2

Gollar: 1:0 – 40 Bani, 2:0 – 56 Retegi, 2:1 – 76 Raspadori, 2:2 – 84 Politano.