А Серия. “Интер” дербида “Милан”ни тор-мор этди, “Ювентус”да ишончли ғалаба (видео)

Футбол бўйича Италия А Сериясининг 4-туридан ўрин олган қатор ўйинлар 16 сентябрь, шанба куни бўлиб ўтди.

“Интер” дербида “Милан”га қарши баҳс олиб борди ва 5:1 ҳисобида ғалаба қозонди. “Интер” сафида Мхитарян дубль қайд этган бўлса, Тюрам, Чалҳанўғлу ва Фратеззилар биттадан гол муаллифига айланди. “Милан” таркибида Рафаэл Леау ўз ҳисобига гол ёздириб қўйди. 

“Ювентус” “Лацио”га қарши баҳс олиб борди. Учрашувнинг 10-дақиқасида Душан Влаҳович ҳисобни очди. 26-дақиқада Кьеза ҳисобни ишончли кўринишга олиб келди. 64-дақиқада Луис Альберто римликлар сафида гол муаллифига айланди. Орадан уч дақиқа ўтиб, Влаҳович дублни расмийлаштирди. Қолган дақиқаларда дарвозалар ишғол этилмади ва туринликлар 3:1 ҳисобида зафар қучди.

“Наполи” эса “Женоа” билан 2:2 ҳисобида дуранг қайд этди.

А Серия

4-тур баҳслари

16 сентябрь, шанба

“Интер” – “Милан” 5:1

Голлар: 1:0 – 5 Мхитарян, 2:0 – 38 Тюрам, 2:1 – 57 Рафаэл Леау, 3:1 – 69 Мхитарян, 4:1 – 79 Чалҳанўғлу (пенальти), 5:1 – 90 Фраттези.

“Интер”: Зоммер, Думфрис, Дармиан, Ачерби, Бастони (де Врей, 74), Димарко (Карлос Аугусто, 64), Мхитарян, Чалҳанўғлу (Аслани, 81), Барелла (Фраттези, 64), Тюрам (Арнаутович, 64), Мартинес.

“Милан”: Менян, Калабрия (Флоренси, 77), Кер, Тиав, Эрнандес, Крунич, Лофтус-Чик (Муса, 86), Рейндерс (Йович, 77), Пулишич (Чуквуэзе, 56), Рафаэл Леау, Жиру (Окафор, 77).

Огоҳлантиришлар: Тиав (24), Эрнандес (61), Чалҳанўғлу (72), Фраттези (90).

“Ювентус” – “Лацио” 3:1

Голлар: 1:0 – 10 Влаҳович, 2:0 – 26 Кьеза, 2:1 – 64 Луис Альберто, 3:1 – 67 Влаҳович.

“Ювентус”: Шенсни, Данило, Бремер, Гатти, Маккенни (Веа, 72), Костич (Камбязо, 59), Рабьо, Локателли, Миретти (Фажоли, 59), Кьеза (Милик, 83), Влаҳович (Кин, 84).

“Лацио”: Проведел, Марушич, Романоли, Казале, Ҳюсай (Пеллегрини, 46), Луис Альберто, Каталди (Ровелла, 46), Камада (Гендузи, 78), Фелипе Андерсон (Педро, 73), Заккани, Иммобиле (Кастелянос, 69).

Огоҳлантиришлар: Миретти (8), Бремер (16), Гатти (61), Камбязо (77), Влаҳович (82), Пеллегрини (84).

“Женоа” – “Наполи” 2:2

Голлар: 1:0 – 40 Бани, 2:0 – 56 Ретеги, 2:1 – 76 Распадори, 2:2 – 84 Политано.