Futbol bo‘yicha Ispaniya La Ligasining 5-turida “Barselona” 16-sentabr, shanba kuni “Betis”ga qarshi bahs olib bordi.
Uchrashuvning 25-daqiqasida Joau Feliks hisobni ochdi. 32-daqiqada esa Levandovski kataloniyaliklarning ikkinchi goliga mualliflik qildi. 62-daqiqada Ferran Torres jarima zarbasini golga aylantirib, hisobni yiriklashtirdi.
Oradan 4 daqiqa o‘tib, Rafinya uzoqdan ajoyib zarba berib, darvozani ishg‘ol qildi. 81-daqiqada esa Joau Kanselu ham qoyilmaqom reyd amalga oshirib, o‘z hisobiga gol yozdirib qo‘ydi.
Ushbu g‘alabadan so‘ng “ko‘k-anorranglilar” ochkolari sonini 13 taga yetkazib, birinchi o‘ringa ko‘tarilib oldi.
La Liga
5-tur bahsi
16-sentabr, shanba
“Barselona” – “Betis” 5:0
Gollar: 1:0 – 25 Joau Feliks, 2:0 – 32 Levandovski, 3:0 – 62 Ferran Torres, 4:0 – 66 Rafinya, 5:0 – 81 Joau Kanselu.
“Barselona”: ter Stegen, Joau Kanselu, Kristensen (Martines, 76), Kunde, Balde (Alonso, 76), Romeu (Gundo‘g‘an, 64), de Yong, Gavi, Joau Feliks (Yamal, 64), Ferran Torres (Rafinya, 64), Levandovski.
“Betis”: Ruy Silva (Veytes, 46), Belerin, Bartra, Riad, Miranda, Isko (Rodri, 66), Roka (Rodriges, 66), Altimira, Peres (Xuan Krus, 66), Luis Enrike (Ezzalzuli, 46), Villian Joze.
Ogohlantirishlar: Bartra (72), Rodriges (84), Martines (86).
Izoh (0)