Futbol bo‘yicha Angliya Premyer Ligasining 5-turidan o‘rin olgan qator o‘yinlar 16-sentabr, shanba kuni bo‘lib o‘tdi.
“Manchester Yunayted” o‘z maydonida “Brayton”ni qabul qildi. Uchrashuvning 20-daqiqasida mankunianliklarning sobiq futbolchisi Denni Uelbek gol urib, hisobni ochdi. Ikkinchi bo‘limda “Brayton” yana bir bor raqib darvozasini ishg‘ol qildi. 53-daqiqada Paskal Gross gol muallifiga aylandi. 71-daqiqada Jaou Pedro hisobni yirik ko‘rinishga olib keldi. Oradan ikki daqiqa o‘tib, Meybri hisobni qisqartirishga muvaffaq bo‘ldi. Yakunda esa “Brayton” 3:1 hisobida zafar quchdi.
“Liverpul” safarda “Vulverhempton”ni 3:1 hisobida mag‘lub etdi. Mersisaydliklar safida Kodi Gakpo va Anryu Robertson bittadan gol urgan bo‘lsa, Hyugo Buena o‘z darvozasini ishg‘ol qilib qo‘ydi. “Bo‘rilar” tarkibida Hvan Hi Chxan o‘z hisobiga gol yozdirib qo‘ydi.
“Manchester Siti” “Vest Hem”ga qarshi bahs olib bordi. 36-daqiqada Jeyms Uord-Prouz hisobni ochdi. 46-daqiqada Jeremi Doku hisobni tenglashtirdi. 76-daqiqada Bernardu Silva gol muallifiga aylandi. 86-daqiqada esa Erling Holand hisobni ishonchli ko‘rinishga olib keldi. Qolgan daqiqalarda gol urilmadi va “shaharliklar” 3:1 hisobidagi g‘alabani rasmiylashtirdi.
“Tottenhem” esa “Sheffild”ni 2:1 hisobida taslim etdi. “Shporlar” safida Risharlison va Deyan Kulusevskilar gol muallifi bo‘lgan bo‘lsa, “Sheffild Yunayted” tarkibida Gustavo Hamer o‘z hisobiga gol yozdirib qo‘ydi.
APL
5-tur
16-sentabr, shanba
“Manchester Yunayted” — “Brayton” 1:3
Gollar: 0:1 – 20 Uelbek, 0:2 – 53 Gross, 0:3 – 71 Joao Pedro, 1:3 – 73 Mejbri.
“Manchester Yunayted”: Onana, Diogu Dalot, Lindelef, Martines (Uan-Bissaka, 85), Regilon (Garnacho, 85), Maktominey (Pelistri, 85), Eriksen, Kazemiro (Mejbri, 64), Brunu Fernandesh, Reshford, Heylund (Marsyal, 64).
“Brayton”: Stil, Veltman, Dank, van Hekke, Lempti (Milner, 77), Lallana (Fati, 64), Gross, Daud (Gilmor, 77), Mitoma, Adengra (Fergyuson, 85), Uelbek (Joao Pedro, 64).
Ogohlantirishlar: Lempti (4), van Hekke (24), Brunu Fernandesh (45), Mejbri (90).
“Vulverhempton” — “Liverpul” 1:3
Gollar: 1:0 – 7 Hvan Hi Chxan, 1:1 – 55 Gakpo, 1:2 – 85 Robertson, 1:3 – 90 Bueno (avtogol).
“Vulverhempton”: Joze Sa, Semedu, Douson, Kilmen, Ait-Nuri, Lemina (Traore, 78), Bellgard (Doyl, 77), Gomes, Netu, Hvan Hi Chxan (Doerti, 60), Mateus Kunya (Fabiu Silva, 61).
“Liverpul”: Alisson, Gomes, Matip, Kuansa (Konate, 83), Robertson, Soboslai, Mak Allister (Dias, 46), Jons, Saloh (Gravenberx, 90), Diogu Jota (Elliott, 56), Gakpo (Nunyes, 56).
Ogohlantirishlar: Mak Allister (4), Semedu (71), Elliott (90), Jons (90).
“Vest Hem” — “Manchester Siti” 1:3
Gollar: 1:0 – 36 Uord-Prouz, 1:1 – 46 Doku, 1:2 – 76 Bernardu Silva, 1:3 – 86 Holand.
“Vest Hem”: Areolya, Soufal (Kerer, 87), Zuma, Agerd, Emerson, Uord-Prouz, Souchek (Ingz, 87), Lukas Paketa, Alvares (Benrahma, 68), Bouen, Antonio (Kudus, 67).
“Manchester Siti”: Ederson, Uoker, Ruben Diash, Akanji, Gvardiol (Ake, 90), Bernardu Silva (Bobb, 90), Rodri, Foden (Mateush Nunesh, 67), Doku (Serxio Gomes, 90), Holand (Lyuis, 90), Alvares.
Ogohlantirishlar: Alvares (38), Gvardiol (45), Souchek (79), Rodri (89), Lukas Paketa (90).
“Tottenhem” — “Sheffild” 2:1
Gollar: 0:1 – 73 Hamer, 1:1 – 90+8 Risharlison, 2:1 – 90+10 Kulusevski.
Izoh (0)