Ukraina moliya vaziri Sergey Marchenkoning aytishicha, hukumat 2024-yilda AQSHdan 12-14 milliard dollar miqdorida moliyaviy yordam so‘rashni rejalashtirmoqda. Vazirning so‘zlariga ko‘ra, Rossiya bilan urush davom etayotgani sharoitida Ukraina budjeti xarajatlari hamon yuqoriligicha qolmoqda.
“Hali hech qanday muzokaralar yo‘q, ko‘plab noaniqliklar mavjud va biz bu yordam kafolatlanganiga ishonchimiz komil emas”, — dedi Sergey Marchenko.
Shuningdek, vazir joriy yil oxirigacha Ukraina AQSHdan 3,3 milliard dollar olishga umid qilayotganini ta’kidladi.
Bu yil Ukraina budjet taqchilligini qoplash uchun AQSHdan deyarli 10 milliard dollar moliyaviy yordam oldi. Ukraina rasmiylarining fikricha, ularning ehtiyojlari kelasi yilda kamaymaydi, chunki ukrainalik harbiylar qarshi hujumi sekin rivojlanmoqda.
Izoh (0)