Diametri 1,2 kilometrgacha bo‘lgan potensial xavfli 349507 (2008 QY) asteroidi 34 yildan so‘ng yana Yerga yaqinlashmoqda. Bu haqda “RIA Novosti” xabar berdi.
NASAning Yerga yaqin obyektlarni o‘rganish markaziga ko‘ra, u 3-oktabr kuni Toshkent vaqti bilan 01:39 da Yerga eng yaqin masofada yaqinlashadi. Osmon jismi va Yer orasidagi minimal masofa 0,042 astronomik birlik yoki deyarli 6,3 million kilometrni tashkil qiladi.
Yer orbitasini 7,5 million kilometrdan kamroq masofada kesib o‘tuvchi astronomik obyektlar potensial xavfli hisoblanadi. Asteroidning diametri, olimlarning fikriga ko‘ra, 520 dan 1200 metrgacha yetishi mumkin. Obyektning tezligi sekundiga 20,96 kilometrni tashkil qiladi.
Olimlar birinchi marta 349507 (2008 QY) asteroidini 1989-yil 30 sentabrda payqagan. U 33,5 yil davomida “g‘oyib bo‘lgan” va keyingi safar u 2023-yil 13-fevralda aniqlangan.
Izoh (0)