Futbol bo‘yicha xalqaro o‘rtoqlik o‘yinida Germaniya 9-sentabr, shanba kuni Yaponiyaga qarshi bahs olib bordi.
Uchrashuvning 11-daqiqasida Ito hisobni ochdi. 19-daqiqada Leroy Sane muvozanatni tikladi. Oradan 3 daqiqa o‘tib, Ayase Ueda yaponlarni hisobda oldinga olib chiqdi.
Ikkinchi bo‘limda esa Yaponiya yana 2 ta gol urishga muvaffaq bo‘ldi. Dastlab, Takuma Asano darvozani ishg‘ol qilgan bo‘lsa, Ao Tanaka uchrashuvdagi yakuniy hisobni o‘rnatdi.
Xalqaro o‘rtoqlik o‘yini
9-sentabr, shanba
Germaniya – Yaponiya 1:4
Gollar: 0:1 – 11 Ito, 1:1 – 19 Sane, 1:2 – 22 Ueda, 1:3 – 90 Asano, 1:4 – 90 Tanaka.
Germaniya: ter Stegen, Ryudiger, Zyule, Shlotterbek (Gozens, 64), Gundo‘g‘an, Jan (Gross, 64), Virts (Brandt, 73), Kimmix, Haverts (Myuller, 73), Sane, Gnabri (Shade, 81).
Yaponiya: Osako, Sugavara (Hasioka, 84), Itakura, Tomiyasu, Ito, Endo, Kamada (Taniguti, 59), Morita (Tanaka, 75), Mitoma (Doan, 84), Ito (Kubo, 75), Ueda (Asano, 59).
Ogohlantirishlar: Zyule (25), Itakura (52), Gozens (66).
Izoh (0)