Belarus prezidenti Aleksandr Lukashenko qishda O‘zbekistonga tashrif buyurmoqchi. Bu haqda u Oliy Majlis Senati raisi Tanzila Norboyeva bilan uchrashuvida ma’lum qildi.
Lukashenko prezident Shavkat Mirziyoyev uni O‘zbekistonga taklif qilayotganini aytdi.
“Hamkasblaringiz bilan Belarusga kelganingiz uchun tashakkur. Do‘stimga eng iliq va ezgu tilaklarimni yetkazishni unutmang. U meni O‘zbekistonga taklif qildi. Lekin O‘zbekistonga qishda borishni xohlayman.
Mamlakatni diqqat bilan o‘rgangan bo‘lsam-da, sizlarda shunday tog‘lar borligi, chinakam qish va go‘zallik hukm suradi, deb o‘ylamagan edim. Shunga qaramay, O‘zbekiston — tog‘li mamlakat, tog‘lari juda go‘zal. Yaqin kunlarda vaqt topib, tog‘laringizga borishga harakat qilaman”, — dedi Lukashenko Tanzila Norboyevaga.
O‘z navbatida, Tanzila Norbayeva Lukashenkoga Belarusga tashrif buyurish taklifi uchun minnatdorlik bildirib, O‘zbekiston prezidentining salomini yetkazgan. U Mirziyoyev Lukashenkoning 2023-yil oxiri yoki 2024-yilning boshida tashrif buyurishini kutayotganini taʼkidlagan.
Izoh (0)