Беларусь президенти Александр Лукашенко қишда Ўзбекистонга ташриф буюрмоқчи. Бу ҳақда у Олий Мажлис Сенати раиси Танзила Норбоева билан учрашувида маълум қилди.
Лукашенко президент Шавкат Мирзиёев уни Ўзбекистонга таклиф қилаётганини айтди.
“Ҳамкасбларингиз билан Беларусга келганингиз учун ташаккур. Дўстимга энг илиқ ва эзгу тилакларимни етказишни унутманг. У мени Ўзбекистонга таклиф қилди. Лекин Ўзбекистонга қишда боришни хоҳлайман.
Мамлакатни диққат билан ўрганган бўлсам-да, сизларда шундай тоғлар борлиги, чинакам қиш ва гўзаллик ҳукм суради, деб ўйламаган эдим. Шунга қарамай, Ўзбекистон — тоғли мамлакат, тоғлари жуда гўзал. Яқин кунларда вақт топиб, тоғларингизга боришга ҳаракат қиламан”, — деди Лукашенко Танзила Норбоевага.
Ўз навбатида, Танзила Норбаева Лукашенкога Беларусга ташриф буюриш таклифи учун миннатдорлик билдириб, Ўзбекистон президентининг саломини етказган. У Мирзиёев Лукашенконинг 2023 йил охири ёки 2024 йилнинг бошида ташриф буюришини кутаётганини таъкидлаган.
Изоҳ (0)