Narendra Modi boshchiligidagi hukumat parlamentning 18—22-sentabr kunlari bo‘lib o‘tadigan navbatdan tashqari sessiyasida Hindistonning rasmiy nomini Bharatga o‘zgartirish to‘g‘risida qaror qabul qilishi mumkin. Bu haqda The Economic Times xabar berdi.
Kongress rahbari Jairam Ramesh ham Hindiston prezidentidan G20 sammiti uchun rasmiy kechki ovqat taklifnomalari odatdagidek “Hindiston prezidenti” o‘rniga “Bharat prezidenti” nomi bilan yuborilganini tasdiqladi.
Hindiston Konstitutsiyasiga ko‘ra, rasmiy tillar ingliz va hind tillari bo‘lib, ingliz tilida mamlakat Hindiston (India), hind tilida esa Bharat deb ataladi. Nomni o‘zgartirish to‘g‘risidagi rezolyutsiyani qabul qilish uchun Hindiston hukumati parlamentning har ikki palatasida ham ko‘pchilik ovozga ega bo‘lishi kerak.
Hujjat qabul qilingandan so‘ng, hukumat konstitutsiyadagi ingliz “Hindiston hukumati” degan so‘zni o‘z ichiga olgan kamida o‘nta joyda tuzatishlar kiritishi kerak.
“Britaniyaliklar Bharat nomini Hindistonga o‘zgartirgan. Mamlakatimiz ming yillar davomida Bharat nomi bilan tanilgan. Bu qadimgi sanskrit matnlarida uchraydigan mamlakatning qadimiy nomi. Hindiston nomi mustamlakachi davlat tomonidan berilgan va shuning uchun qullik ramzi hisoblanadi. Hindiston nomi Konstitutsiyadan olib tashlanishi kerak”, — dedi deputat Rajya Sabha.
Izoh (0)