“Manchester Yunayted” futbolchisi Antoniga jismoniy tajovuz bo‘yicha ish ochildi.
Joriy yilning iyun oyida Antonining sobiq sevgilisi Gabriela Kavallin San-Paulu politsiyasiga murojaat qilib, futbolchini jismoniy tajovuz, zo‘ravonlik, tahdidlar va jarohatlar yetkazganlikda ayblagandi.
Kavallin Braziliyaning UOL saytiga bergan intervyusida, Antoni bilan suhbatlari skrinshoti hamda yetkazilgan jarohatlarning suratlarini ko‘rsatgan. Ushbu suratlar ish bo‘yicha dalil sifatida kiritilgan va politsiya bu bo‘yicha ish boshlagan. Jabrlanuvchi 2022-yil 1-iyun kuni Braziliyada ta’tilda bo‘lgan vaqtda Antoni uning homiladorligiga qaramasdan jarohat yetkazganini ta’kidlagan.
Mankunianliklar futbolchisi esa buning barchasi yolg‘onligi, u qurbonga aylanayotganini ma’lum qildi:
“Barcha muxlislarim, do‘stlarim va oilam oldida hurmat yuzasidan buning barchasi yolg‘onligi aytishga majburman. Hozir politsiya bu bo‘yicha ish olib bormoqda va uning tafsilotlarini ochiqlay olmayman.
Lekin men aybdor emasligimni ishonch bilan ayta olaman. Gabriela bilan munosabatlarimiz yaxshi emasdi, ikkalamiz ham bir-birimizni haqorat qilganmiz, ammo hech qachon jismoniy tajovuz qilmadim.
Shunday ekan, men ayblovlarning barchasini ochiqchasiga rad etishga qaror qildim. Politsiya tomonidan olib borilayotgan tergov mening aybsizligim haqidagi haqiqatni ochib beradi, deb o‘ylayman”.
Ushbu vaziyat tufayli Antoni Braziliya terma jamoasining sentabr oyidagi o‘yinlaridan chetlatildi. Uning o‘rnini “Arsenal” futbolchisi Gabriel Jezus egallagan.
Izoh (0)