Liga 1. “PSJ” 5 ta gol urilgan o‘yinda “Lion” ustidan yirik hisobda g‘alaba qozondi

Futbol bo‘yicha Fransiya chempionatining 4-turida “PSJ” 3-sentabr, yakshanba kuni “Lion”ga qarshi bahs olib bordi.

Uchrashuvning dastlabki daqiqalaridayoq parijliklar penalti ishlab oldi. 4-daqiqada Mbappe penaltidan unumli foydalandi. 20-daqiqada esa Ashraf Hakimi hisobni ishonchli ko‘rinishga olib keldi. 38-daqiqada Marko Asensio ham o‘z hisobiga gol yozdirib qo‘ydi. Birinchi bo‘lim so‘ngida Kilian dublni rasmiylashtirdi. 

Ikkinchi bo‘limda “Lion” hisobni qisqartirdi. 74-daqiqada Korentin Tolisso penaltini aniq amalga oshirdi. Qolgan daqiqalarda darvozalar ishg‘ol etilmadi va Parij klubi yirik g‘alabani rasmiylashtirdi.

“PSJ” ochkolari sonini 8 taga yetkazdi va 2-o‘ringa ko‘tarilib oldi.

Liga 1

4-tur bahsi

3-sentabr, yakshanba

“Lion” – “PSJ” 1:4

Gollar: 0:1 – 4 Mbappe (penalti), 0:2 – 20 Hakimi, 0:3 – 38 Asensio, 0:4 – 45 Mbappe, 1:4 – 74 Tolisso (penalti).

“Lion”: Antoni Lopesh, Mata, Chaleta-Sar, Diomande, Talyafiko, Tolisso (Lepenan, 80), Meytlend-Naylz, Kakre, Sherki (Alvero, 76), Kadevere (Balde, 46), Nuama (Jeffino, 76).

“PSJ”: Donnarumma, Hakimi, Markinyos, Shkrinyar, Ernandes, Ugarte (Fabian Ruis, 75), Vitinya, Zair-Emeri (Ndur, 86), Dembele (Barkolya, 75), Asensio (Gonsalu Ramush, 75), Mbappe.

Ogohlantirishlar: Tolisso (3), Ernandes (48), Meytlend-Naylz (58), Zair-Emeri (73).