“Barselona” La Liga hakamlari “Real” foydasiga qarorlar qabul qilmoqda deb hisoblaydi

“Barselona” klubi La Liga startida hakamlar “Real”ning foydasiga qarorlar qabul qilgan deb hisoblamoqda.

AS nashrining xabariga ko‘ra, kataloniyaliklar hakamlarning qarorini tahlil qilib chiqqan. Hakamlarning “Real” foydasiga chiqargan 4 ta qaror hamda “Barselona” zarariga ishlagan 3 ta qarorni aniqlagan. 

Quyida hakamlar xatosi ro‘yxati keltirilgan: 

1-tur: “Real” himoyachisi Eder Militao ishtirokidagi epizodda hakam Xesus Xil Mansano “Atletik” foydasiga penalti bermagan; “Xetafe”ga qarshi o‘yinda Gavi ishtirokidagi epizod uchun hakam Sesar Soto Grado kataloniyaliklar foydasiga penalti bermagan. 

2-tur: “Real” va “Almeriya” o‘rtasidagi bahsda 1:1 bo‘lib turgan vaqtda Jud Bellinghemning qo‘liga to‘p tekkan (hakam — Xose Mariya Sanches Martines); “Kadis”ga qarshi bahsda “Barselona” foydasiga ikkita belgilanmagan penalti (biri Lamin Yamal ishtirokida, ikkinchisi Robert Levandovski ishtirokida) Uchrashuv hakami — Alexandro Munyis Ruis. 

3-tur: Kepa Arrisabalagaga ishlatilgan qo‘pollik uchun “Selta”ning hisobga olinmagan goli (hakam — Isidro Dias de Mera); “Barselona”ga qarshi o‘yinda “Vilyarreal” futbolchisi Aleksandr Serlotning golidagi o‘yindan tashqari holat (hakam — Alexandro Ernandes Ernandes).  

4-tur. Xoseluning “Xetafe”ga ofsayddan keyin urgan goli (hakam — Mario Melero Lopes). 

Shuningdek, “Barselona”ga VAR hakamlar qaroriga juda ko‘p ta’sir o‘tkazayotgani yoqmayapti.