“Барселона” Ла Лига ҳакамлари “Реал” фойдасига қарорлар қабул қилмоқда деб ҳисоблайди

“Барселона” клуби Ла Лига стартида ҳакамлар “Реал”нинг фойдасига қарорлар қабул қилган деб ҳисобламоқда.

AS нашрининг хабарига кўра, каталонияликлар ҳакамларнинг қарорини таҳлил қилиб чиққан. Ҳакамларнинг “Реал” фойдасига чиқарган 4 та қарор ҳамда “Барселона” зарарига ишлаган 3 та қарорни аниқлаган. 

Қуйида ҳакамлар хатоси рўйхати келтирилган: 

1-тур: “Реал” ҳимоячиси Эдер Милитао иштирокидаги эпизодда ҳакам Хесус Хил Мансано “Атлетик” фойдасига пенальти бермаган; “Хетафе”га қарши ўйинда Гави иштирокидаги эпизод учун ҳакам Сесар Сото Градо каталонияликлар фойдасига пенальти бермаган. 

2-тур: “Реал” ва “Алмерия” ўртасидаги баҳсда 1:1 бўлиб турган вақтда Жуд Беллингҳемнинг қўлига тўп теккан (ҳакам — Хосе Мария Санчес Мартинес); “Кадис”га қарши баҳсда “Барселона” фойдасига иккита белгиланмаган пенальти (бири Ламин Ямал иштирокида, иккинчиси Роберт Левандовски иштирокида) Учрашув ҳаками — Алехандро Мунйис Руис. 

3-тур: Кепа Аррисабалагага ишлатилган қўполлик учун “Сельта”нинг ҳисобга олинмаган голи (ҳакам — Исидро Диас де Мера); “Барселона”га қарши ўйинда “Вильярреал” футболчиси Александр Серлотнинг голидаги ўйиндан ташқари ҳолат (ҳакам — Алехандро Эрнандес Эрнандес).  

4-тур. Хоселунинг “Хетафе”га офсайддан кейин урган голи (ҳакам — Марио Мелеро Лопес). 

Шунингдек, “Барселона”га ВАР ҳакамлар қарорига жуда кўп таъсир ўтказаётгани ёқмаяпти.