Shavkat Mirziyoyev 2-sentabr kuni Samarqand shahridagi Hazrati Xizr majmuasiga tashrif buyurib, Islom Karimov maqbarasini ziyorat qildi, deb xabar beradi Prezident matbuot xizmati. Davlat rahbari qabr poyiga gul qo‘yib, Birinchi prezident xotirasiga hurmat bajo keltirdi.
.jpg)
Qurʼon oyatlari tilovat etilib, duo o‘qildi. Islom Karimov O‘zbekiston mustaqilligini eʼlon qilib, davlat boshqaruvini yangidan qurgan, tarixning murakkab va og‘ir davrlarida barqarorlikni saqlab, xalq manfaatlarini taʼminlagan.
Prezident Shavkat Mirziyoyev uning bu xizmatlarini munosib qadrladi. Davlat rahbarining 2017-yil 25-yanvardagi qaroriga muvofiq, Birinchi prezident xotirasini abadiylashtirish bo‘yicha ko‘p ishlar qilindi. O‘zbekistondagi yirik majmualar, shaharlardagi markaziy ko‘chalarga Islom Karimov nomi berildi. Toshkentda Islom Karimov nomidagi ilmiy-maʼrifiy yodgorlik majmuasi tashkil qilindi, Samarqandda maqbara barpo etildi.
“Fidoyilarini eʼzozlaydigan xalqimiz Birinchi prezidentimizni hurmat bilan yodga oladi. Ushbu xotirlash marosimi ham o‘tganlar yodiga hurmat, yosh avlodga ibrat maktabidir”, — deyiladi xabarda.
.jpg)
Marosimda parlament va hukumat aʼzolari, jamoat tashkilotlari vakillari, mehnat faxriylari ishtirok etdi. Tadbir yakunlangach, davlat rahbari Toshkentga qaytib keldi.
Izoh (0)