Islom Abdug‘aniyevich Karimov 1938-yil 30-yanvar kuni Samarqand shahrida tavallud topgan. Islom Karimov 1992-yil 4-yanvar kuni O‘zbekiston prezidenti sifatida ilk bor qasamyod qabul qilgan — 1991-yil 29-dekabr kuni bo‘lib o‘tgan prezident saylovida 87,1 foiz ovoz bilan g‘alaba qozongan edi.
Keyinchalik Islom Karimov yana uch marta — 2000-yil 22-yanvarida, 2008-yil 16-yanvarida va 2015-yil 15-aprelida O‘zbekiston Prezidenti sifatida tantanali qasamyod qildi. U 2016-yil 2-sentabriga qadar — umrining oxirigacha O‘zbekistonga rahbarlik qildi.
30-yanvar — O‘zbekistonning birinchi prezidenti Islom Karimov tavallud topgan kun. Respublika bo‘ylab, har yili ushbu sanada Islom Karimovni xotirlash an’anaga aylanib bormoqda.
Faoliyati davomida mamlakat mustaqilligi, rivoji hamda osoyishtaligi yo‘lida xizmat qilgan davlat arbobining xotirasi o‘zbekistonliklar yuragidan joy egallagan.
O‘zbekistonliklar birinchi prezident Islom Karimovni qanday xotirlaydi? Ushbu savolga javob olish maqsadida “Daryo” kichik so‘rovnoma o‘tkazdi.
So‘rovnomada ishtirok etganlarning aksari marhum prezident Islom Karimovni “O‘zbekistonni oyoqqa turg‘azib bergan”, “Buyuk shaxs, boshqa ta’rif yo‘q”, “Eng qiyin davrlardan olib chiqqan” deya esladi. Ular Islom Karimovni mustaqillik asoschisi sifatida biladi.
Izoh (0)