Iroqda yirik yo‘l-transport hodisasi yuz berdi, oqibatda 18 kishi halok bo‘ldi. Bu haqda AP nashri ikki tibbiyot xodimining ko‘rsatmalariga tayanib xabar bermoqda.
Xabarga ko‘ra, hodisa 1-sentabr kuni sodir bo‘lgan. Ziyoratchilarni Karbalo shahriga olib ketayotgan avtobus Bag‘dod shimolidagi trassada ag‘darilib ketgan. 15 nafar erkak va uch ayol halok bo‘lgan.
Mahalliy rasmiylarga ko‘ra, qurbonlar orasida 10 nafar eronlik, ikki nafar iroqlik (avtobus haydovchisi va uning o‘g‘li) hamda fuqaroligi noma’lum olti kishi bor.
Avval Hindistonda ziyoratchilar o‘tirgan avtobus daraga qulab, 10 kishi halok bo‘lgandi. Avtobusda kamida 65 kishi bo‘lgan, bu belgilangan sig‘imdan ortiq edi.
Shuningdek, Pokistonda yo‘lovchi avtobusi ko‘prikka urilib, jarga qulagani haqida xabar berilgandi. Avtobus ichida 44 kishi tiriklayin yonib ketgan. Ispaniyada esa avtobus daryoga qulab tushgan, olti kishi halok bo‘lgan.
Izoh (0)