Pokistonda yo‘lovchi avtobusi ko‘prikka urilib, jarga qulab tushdi va yonib ketdi. Bu haqda The News International mahalliy portali xabar bermoqda. Avtobus ichida 44 kishi tiriklayin yonib ketgan. Fojia Belujiston viloyatining Lasbela shahri yaqinida sodir bo‘lgan.
Hodisa vaqtida avtobusda jami 48 kishi bo‘lgan. Ulardan to‘rt nafari tirik qolgan, omon qolganlar orasida bir ayol va bola bor. Halokatdan keyin avtobusdan chiqishga muvaffaq bo‘lganlar tibbiy muassasalarga yetkazilgan.
Hozirda voqea joyida favqulodda xizmatlar ishlamoqda. Ular ham avariya sababini, ham jasadlarning shaxsini aniqlashga harakat qilmoqda. Mahalliy hokimiyat ma’lumotlariga ko‘ra, jasadlar yong‘inda qattiq kuygan, shu sabab DNK tahlilisiz ularning shaxsini aniqlash imkonsiz. Dastlabki ma’lumotlarga ko‘ra, yo‘l-transport hodisasi haydovchining tezlikni oshirib, boshqaruvni yo‘qotishi tufayli sodir bo‘lgan.
Izoh (0)