Kanadaning Manitoba provinsiyasi janubi-g‘arbidagi Karberi shahriga yaqin Trans-Kanada magistralida avtobus va yuk mashinasi to‘qnashib ketdi. Oqibatida 15 kishi halok bo‘ldi, 10 kishi jarohat oldi. Bu haqda CTV telekanali xabar bermoqda.
Yaradorlar turli tan jarohatlari bilan kasalxonaga yotqizilgan. Voqea joyida terkshiruv olib borilmoqda, dedi Kanada Qirollik otliq politsiyasining Manitoba bo‘limi Twitter’da. Ular avtobusda qariyalar bo‘lganini, yuk mashinasi unga kelib urilishi oqibatda YTH sodir bo‘lganini taʼkidladi.
Kanada bosh vaziri Jastin Tryudo avtomobillarning to‘qnashuvini fojiali hodisa deb atadi. U yaqinlarini yo‘qotganlarga hamdardlik bildirdi va “jabrlanganlar qanday og‘riqni boshdan kechirayotganini tasavvur qila olmasligini qo‘shimcha qildi. “Ammo kanadaliklar siz bilan”, — deb ta’kidladi bosh vazir.
Avval Kanadaning Humboldt Broncos yoshlar xokkey jamoasi avtobusi bilan yuk mashinasi to‘qnashib ketgan edi, oqibatda 14 kishi halok bo‘lgan va yana 14 kishi kasalxonaga yotqizilgan. Avtobusda haydovchi bilan birga 28 kishi bo‘lgan. Jamoa musobaqaga ketayotgan bo‘lgan.
Eslatib o‘tamiz, 2-iyun kuni Hindistonda 3 ta poyezd to‘qnashuvi oqibatida 300 dan ortiq odam halok bo‘ldi, 900 dan ortig‘i jarohatlandi. Bu Hindistonda so‘nggi 20 yildagi eng dahshatli temiryo‘l halokatiga aylandi.
Izoh (0)