O‘zbekiston tashqi ishlar vaziri Baxtiyor Saidov 28-iyul kuni yangi tayinlangan Malayziya elchisi Ilxam Tua bin Illiasdan ishonch yorliqlarining nusxalarini qabul qilib oldi. Bu haqda TIV rahbari o‘zining Telegram kanali orqali ma’lum qildi.
“Malayziyaning O‘zbekistondagi favqulodda va muxtor elchisi etib tayinlangan Ilxam Tua bin Illias janoblaridan ishonch yorliqlari nusxalarini qabul qilishdan mamnunmiz. O‘zbekiston Respublikasi Tashqi ishlar vazirligi jamoasi bilan birgalikda janob elchini O‘zbekiston—Malayziya aloqalarini mustahkamlashga qaratilgan diplomatik missiyasini amalga oshirishda qo‘llab-quvvatlaymiz”, — deb yozadi Baxtiyor Saidov.
Eslatib o‘tamiz, 2018-yilda Malayziyaning O‘zbekistondagi favqulodda va muxtor elchisi etib tayinlangan edi. Unga qadar Malayziyaning mamlakatdagi diplomatik missiyasiga Dato Noraini binti Abd Hamid rahbarlik qilgan.
Bundan oldin Buyuk Britaniyaning O‘zbekistondagi yangi elchisi etib Timoti Smart tayinlangani, Turkmaniston prezidenti O‘zbekistondagi elchini lavozimidan olgani to‘g‘risidai xabar berilgandi.
Izoh (0)