Checheniston musulmonlari diniy boshqarmasi “To‘y-hashamlarni o‘tkazishning majburiy normalari”ni tasdiqladi. Normalar Respublika rahbari Ramzan Qodirov topshirig‘iga binoan ishlab chiqilgan.
“Islom diniga ham, chechen qonunlariga ham to‘g‘ri kelmaydigan har qanday ortiqcha narsalar, ya’ni brilliant uzuklar, mo‘ynali kiyimlar, maishiy texnika, kvartiralar, avtomobillar kabi qimmatbaho sovg‘alar qat’iyan man etiladi”, — deyiladi hujjat matnida.
Shu bilan birga, 50 ming rubl (taxminan 562 dollar) miqdoridagi qalin puli, choy, shakar va qo‘chqor to‘yning majburiy atributlari bo‘lib qolmoqda. Ota-onalar ham o‘z xohishiga ko‘ra qalin puli belgilash huquqiga ega. Bundan tashqari, kelinning libosi ham Islom va chechen talablariga mos kelishi kerak.
Ramzan Qodirov ba’zi odatlar bema’ni, din va milliy urf-odatlarga mutlaqo zid bo‘lgani uchun yangi normalar ishlab chiqishni buyurgandi.
Izoh (0)