Мадагаскар пойтахти Антананариво шаҳрида 11-Ҳинд океани ўйинларини томоша қилишга келган оломон “Бареа” стадионига кираверишда тиқилинч ҳосил қилди. Оқибатда 12 киши ҳалок бўлди.
Orange Actu Madagascar маълумотларига кўра, камида 80 киши жароҳатланган. Уларнинг аксарияти касалхонага ётқизилган, баъзилари эса оғир операцияга олиб кирилган.
Порталнинг ёзишича, полиция катта оломон ҳақида зудлик билан огоҳлантирган ва кўплаб томошабинлардан уйда қолишни сўраган. Бироқ улар кўрсатмаларга амал қилмаган, ҳуқуқ-тартибот ходимлари эса оломонни ушлаб тура олмаган.
Кейинчалик Мадагаскар ҳукумати фожиа оқибатида жабрланганларнинг барчасига ғамхўрлик қилиниши ва уларнинг даволаниш харажатлари тўланишини маълум қилди.
Апрель ойида Яман пойтахти Сано марказида хайрия тадбири чоғида юз берган тиқилинчда 80 га яқин одам ҳалок бўлганди. Одамлар Боб ал-Яман туманида тадбиркорлардан моддий ёрдам — закот олиш учун йиғилган. Юзлаб одамлар тор кўчада тўпланиб, пул тарқатилаётган жойга яқинлашишга уринган.
Изоҳ (0)