Turkiya hukumati Istanbuldagi bir yarim millionga yaqin xonadon aholisini zilzilalarga chidamli uy-joylarga ko‘chirishni rejalashtirmoqda, dedi mamlakat prezident Rajab Toyyib Erdo‘g‘on. Bu haqda “TASS” xabar bermoqda.
“Turkiyani zilzilalarga chidamli davlatga aylantirish borasidagi ishlarimizda Istanbul va Marmara dengizi tumaniga alohida urg‘u beramiz. Istanbulga to‘xtalsak, hozir 1,5 millionga yaqin xonadonni zilzilaga chidamli uy-joylarga ko‘chirishni rejalashtirmoqdamiz. Vaqtni behuda o‘tkazish yo‘q”, — dedi Erdo‘g‘on.
Rasmiylar, shuningdek, 500 ming kishilik “sputnik-shahar” qurish niyatida, u yuk kemalari uchun qurilishi rejalashtirilgan “Istanbul” sun’iy kanalining ikki tomonida joylashgan bo‘ladi.
Turkiyaning atrof-muhit, urbanizatsiya va iqlim o‘zgarishi vaziri Mehmet Ojaseki Istanbulda 6 million uy borligini va ularning har o‘ntadan bittasi zilzila vaqtida vayron bo‘lishi mumkinligini aytdi.
Eslatib o‘tamiz, 2023-yilning 6-fevralida Turkiya janubi-sharqida va Suriya shimolida 7,8—7,5 magnitudali kuchli zilzilalar sodir bo‘ldi, har ikki mamlakatda 60 mingga yaqin odam halok bo‘ldi.
Turkiyada vayronagarchilik ko‘lami shaharsozlik standartlari va ishlab chiqaruvchilarning mas’uliyatsizligi haqidagi munozaralarni kuchaytirdi, tabiiy ofatdan keyin qurilish biznesi vakillarini hibsga olish boshlandi. Iyul oyi o‘rtalarigacha 350 kishi hibsga olingan.
Izoh (0)