Туркия ҳукумати Истанбулдаги бир ярим миллионга яқин хонадон аҳолисини зилзилаларга чидамли уй-жойларга кўчиришни режалаштирмоқда, деди мамлакат президент Ражаб Тоййиб Эрдўғон. Бу ҳақда “ТАСС” хабар бермоқда.
“Туркияни зилзилаларга чидамли давлатга айлантириш борасидаги ишларимизда Истанбул ва Мармара денгизи туманига алоҳида урғу берамиз. Истанбулга тўхталсак, ҳозир 1,5 миллионга яқин хонадонни зилзилага чидамли уй-жойларга кўчиришни режалаштирмоқдамиз. Вақтни беҳуда ўтказиш йўқ”, — деди Эрдўғон.
Расмийлар, шунингдек, 500 минг кишилик “спутник-шаҳар” қуриш ниятида, у юк кемалари учун қурилиши режалаштирилган “Истанбул” сунъий каналининг икки томонида жойлашган бўлади.
Туркиянинг атроф-муҳит, урбанизация ва иқлим ўзгариши вазири Меҳмет Ожасеки Истанбулда 6 миллион уй борлигини ва уларнинг ҳар ўнтадан биттаси зилзила вақтида вайрон бўлиши мумкинлигини айтди.
Эслатиб ўтамиз, 2023 йилнинг 6 февралида Туркия жануби-шарқида ва Сурия шимолида 7,8—7,5 магнитудали кучли зилзилалар содир бўлди, ҳар икки мамлакатда 60 мингга яқин одам ҳалок бўлди.
Туркияда вайронагарчилик кўлами шаҳарсозлик стандартлари ва ишлаб чиқарувчиларнинг масъулиятсизлиги ҳақидаги мунозараларни кучайтирди, табиий офатдан кейин қурилиш бизнеси вакилларини ҳибсга олиш бошланди. Июль ойи ўрталаригача 350 киши ҳибсга олинган.
Изоҳ (0)