Turkiyada 7,4 magnitudali zilzila yuz berdi
Turkiyada 6-fevral kuni sodir bo‘lgan 7,4 magnitudali zilzila oqibatida bir necha shaharlarida binolar qulab tushdi.
Yeni Şafak gazetasi ma’lumotlariga ko‘ra, Xatay va Malatya shaharlarida uylar qulagan, Diyarbakir shahrida ham bir necha uylar qulagan. Uylarning qulashi Qahramanmarash, Malatya, Shanliurfa va Gaziantep viloyatlarida ham kuzatilgan. İlk Sayfa gazetasining shahar meri Zeydan Karalarga tayanib yozishicha, Adanadagi ikkita ko‘p qavatli uy qulab tushdi. Vayronalar ostidan besh kishi olib chiqilib, shifoxonaga yuborilgan.
Shanliurfa meri Zeynel Beyazgul 16 qavatli bino qulashi oqibatida besh kishi halok bo‘lganini bildirdi.
Turkiya ichki ishlar vaziri Sulaymon Soylu mamlakatning bir qancha hududlarida eng yuqori darajadagi ogohlantirish e’lon qilinganini ma’lum qildi.
CNN Turk’ning yozishicha, zilzila Turkiyaning ko‘plab yirik shaharlarida, jumladan, Anqara, Gaziantep, Nevshehir, Kayseri, Adan va Hatayda ham sezildi.
