Turkiyaning Gaziantep viloyatidagi Nurdag‘i, Islahiye shaharlari, Qahramonmarash hamda Hatay viloyatidagi vayronlarga aylangan ko‘p qavatli uylar 1999-yilgacha qurilgan uylar ekani maʼlum bo‘ldi. Bu haqda Turkiya atrof-muhit, urbanizatsiya va iqlim o‘zgarishi vaziri Murat Kurum maʼlum qildi.
“Bu zilzilada vayron bo‘lgan binolarning 98 foizi 1999-yildan oldin qurilganini va ularda turar joy binolarini texnik ko‘rikdan o‘tkazish xizmatidan foydalanilmaganini aniqladik”, — deydi vazir.
Taʼkidlanishicha, ular binolarning yoshi, xonodonlari va zarariga oid har bir maʼlumotni qayd qilib bormoqda.
“Shuningdek, biz zararni baholash bo‘yicha tadqiqotlarimiz bilan jiddiy bino inventarini yaratmoqdamiz”, — deydi vazir Murat Kurum.
Izoh (0)