O‘zbekistonda 2023-yil yakunigacha Mudofaa vazirligi tizimidagi harbiy xizmatchilarga 1 480 ta ko‘p qavatli xonadonlar imtiyozli ipoteka kreditlari asosida beriladi. Bu haqda vazirlik axborot xizmati xabar berdi.
Maʼlum qilinishicha, joriy yilda qurib bitkaziladigan xonadonlardan eng ko‘p qismi Toshkent shahridagi harbiylarga topshiriladi — 637 ta. Eng kam uy-joy esa 4 ta hudud—Sirdaryo, Navoiy, Xorazm viloyatlari va Qoraqalpog‘istonda (har bir hududga 28 tadan uy) xizmat qilayotgan harbiylarga beriladi.
Qolgan hududlardagi harbiylarga uylar taqsimoti quyidagicha:
- Toshkent viloyati — 112 ta;
- Samarqand viloyati — 112 ta;
- Surxondaryo viloyati — 94 ta
- Qashqadaryo viloyati — 94 ta
- Farg‘ona viloyati — 94 ta
- Buxoro viloyatiga — 66 ta
- Andijon viloyati — 56 ta
- Namangan viloyati — 56 ta
- Jizzax viloyati — 47 ta.
Maʼlumot uchun, harbiy xizmatchilarni ipoteka krediti taqdim etish orqali uy-joy bilan taʼminlash hukumatning tegishli qarori bilan amalga oshirilmoqda. Hujjatda belgilangan uyni sotib olish uchun ipoteka kreditining dastlabki badali o‘tkazilgach, harbiy xizmatchiga ijarada turgan xonadoniga to‘lanadigan kompensatsiya amaldagi 12 oydan turar joyni foydalanishga topshirish muddatiga qadar uzaytirilgan.
Izoh (0)