Ўзбекистонда 2023 йил якунигача Мудофаа вазирлиги тизимидаги ҳарбий хизматчиларга 1 480 та кўп қаватли хонадонлар имтиёзли ипотека кредитлари асосида берилади. Бу ҳақда вазирлик ахборот хизмати хабар берди.
Маълум қилинишича, жорий йилда қуриб битказиладиган хонадонлардан энг кўп қисми Тошкент шаҳридаги ҳарбийларга топширилади — 637 та. Энг кам уй-жой эса 4 та ҳудуд—Сирдарё, Навоий, Хоразм вилоятлари ва Қорақалпоғистонда (ҳар бир ҳудудга 28 тадан уй) хизмат қилаётган ҳарбийларга берилади.
Қолган ҳудудлардаги ҳарбийларга уйлар тақсимоти қуйидагича:
- Тошкент вилояти — 112 та;
- Самарқанд вилояти — 112 та;
- Сурхондарё вилояти — 94 та
- Қашқадарё вилояти — 94 та
- Фарғона вилояти — 94 та
- Бухоро вилоятига — 66 та
- Андижон вилояти — 56 та
- Наманган вилояти — 56 та
- Жиззах вилояти — 47 та.
Маълумот учун, ҳарбий хизматчиларни ипотека кредити тақдим этиш орқали уй-жой билан таъминлаш ҳукуматнинг тегишли қарори билан амалга оширилмоқда. Ҳужжатда белгиланган уйни сотиб олиш учун ипотека кредитининг дастлабки бадали ўтказилгач, ҳарбий хизматчига ижарада турган хонадонига тўланадиган компенсация амалдаги 12 ойдан турар жойни фойдаланишга топшириш муддатига қадар узайтирилган.
Изоҳ (0)