“Xillari” tropik to‘foni Meksika va AQSHning Kaliforniya shtatida kuchli yomg‘ir va suv toshqinlarini yuzaga keltirdi. Amerika aeroportlarida noqulay ob-havo tufayli mingdan ortiq reyslar bekor qilindi, yana besh mingga yaqin reys kechiktirildi.
To‘fon Meksikaga dam olish kunlari (19—20-avgust) yetib keldi. Santa-Rosaliya shahrida suv toshqini avtomobilini ag‘darib yuborishi oqibatida bir kishi halok bo‘ldi. Bo‘ron oqibatlarini bartaraf etish uchun harbiylarni jalb qilishga to‘g‘ri keldi.
Meteorologlarning prognozlariga ko‘ra, “Xillari” Kaliforniyadan Nevada shtatiga yo‘l oladi. Ikki shtatda favqulodda holat e’lon qilingan. Taʼlim muassasalari vaqtincha yopildi.
Mutaxassislarning ta’kidlashicha, to‘fon bu hududlarda tarixdagi eng ko‘p va talafotli yog‘ingarchilikni keltirib chiqarishi mumkin.
Avvalroq Kaliforniya janubida “Xillari” tropik to‘foni paytida 5,1 magnitudali zilzila sodir bo‘lgani xabar berilgandi.
Izoh (0)