“Хиллари” тропик тўфони Мексика ва АҚШнинг Калифорния штатида кучли ёмғир ва сув тошқинларини юзага келтирди. Америка аэропортларида ноқулай об-ҳаво туфайли мингдан ортиқ рейслар бекор қилинди, яна беш мингга яқин рейс кечиктирилди.
Тўфон Мексикага дам олиш кунлари (19—20 август) етиб келди. Санта-Росалия шаҳрида сув тошқини автомобилини ағдариб юбориши оқибатида бир киши ҳалок бўлди. Бўрон оқибатларини бартараф этиш учун ҳарбийларни жалб қилишга тўғри келди.
Метеорологларнинг прогнозларига кўра, “Хиллари” Калифорниядан Невада штатига йўл олади. Икки штатда фавқулодда ҳолат эълон қилинган. Таълим муассасалари вақтинча ёпилди.
Мутахассисларнинг таъкидлашича, тўфон бу ҳудудларда тарихдаги энг кўп ва талафотли ёғингарчиликни келтириб чиқариши мумкин.
Аввалроқ Калифорния жанубида “Хиллари” тропик тўфони пайтида 5,1 магнитудали зилзила содир бўлгани хабар берилганди.
Изоҳ (0)