Rossiya Ukrainaga urush boshlanganidan buyon 6,5 mingdan ortiq raketa va 3,5 mingdan ortiq hujumchi dronlar uchirgan. Bu haqda Ukraina prezidenti Vladimir Zelenskiy xabar berdi.
Zelenskiy Niderlandiya qirolligi bosh vaziri Mark Ryutte bilan qo‘shma matbuot anjumanida tegishli ma’lumotni bergan.
“2022-yilning 24-fevralidan boshlab Rossiya hujumi boshlangan davrda ular Ukrainaga qarshi 6500 dan ortiq raketa va 3500 dan ortiq zarba beruvchi dronlardan, jumladan Eronning Shahed uchuvchisiz uchoqlaridan foydalangan”, — dedi u.
Ukraina prezidentining ta’kidlashicha, ularning aksariyati harbiy obyektlarga nisbatan fuqarolik infratuzilmalarini nishonga olgan.
Rossiya Ukrainaning tinch aholi yashovchi shaharlariga raketa zarbalari berdi
19-avgust Rossiya Chernigov shahri markaziga raketa hujumi uyushtirdi. Hujumda ommaviy tadbir bo'lib o'tayotgan drama teatri binosi nishonga olingan. Oqibatda yetti kishi, jumladan, 6 yoshli qizcha halok bo‘lgan. Yaradorlar soni allaqachon 156 nafarni tashkil qilmoqda.
Izoh (0)