Rossiya qo‘shinlari Chernigov markaziga hujum qildi, deb xabar bermoqda viloyat ma’muriyati rahbari Vyacheslav Chaus.
Dastlabki ma’lumotlarga ko‘ra, shaharga ballistik raketa uchirilgan. “Suspilnye Chernigov”ning voqea joyidagi muxbiriga tayanib yozishicha, zarbalar oqibatida qurbonlar va yaralanganlar bor.
“Truxa-Ukraina” Telegram kanali xabariga ko‘ra, drama teatri binosiga zarba berilgan, u yerda dron ishlab chiqaruvchilarning ko‘rgazmasi bo‘lib o‘tgandi.
OAV zarbalar oqibatida olti kishi halok bo‘lgani, 11 kishi yaralangani haqida yozmoqda.
Ukraina prezidenti Vladimir Zelenskiy Chernigovga berilgan zarbaga munosabat bildirdi.
“Terrorchi davlat bilan qo‘shnichilik mana shu, biz butun dunyoni bunga qarshi birlashtirmoqchimiz. Rossiya raketasi shaharning to‘g‘ridan to‘g‘ri markaziga tushdi. Rossiya og‘riq va yo‘qotishlar kuniga aylantirgan odatiy shanba. O‘lganlar bor, yaradorlar bor”, — deb yozgan Zelenskiy.
Izoh (0)