Hozirda Ukraina aholisi 30 million kishidan oshadi. Rossiyaga qarshi urushda g‘alaba qozonish uchun 3 million fuqaroni frontga safarbar qilish kerak. Bu haqda Germaniyaning Welt nashri xabar berdi.
Qayd etilishicha, Ukraina Qurolli kuchlarining soni 3 millionga yetishi mumkin. 1947-1948-yillarda Isroilda ham fuqarolarning 10 foizi frontga safarbar etilgani ta’kidlanadi.
“Bunday raqamlar bilan Ukraina eski uslubda g‘alaba qozonishi va o‘z hududini ozod qilishi mumkin”, — deyiladi xabarda.
OAV “ming yillikning birinchi yirik urushi” na sanksiyalar, na dronlar va raketalar bilan hal qilib bo‘lmasligini ma’lum qildi.
Ukrainada safarbarlik
17-avgust kuni Vladimir Zelenskiy ikkita qonunni imzoladi: Ukrainada harbiy holat va safarbarlik to‘g‘risida, ular 2023-yil 15-noyabrgacha uzaytirildi.
Ukraina parlamenti hali safarbarlik to‘g‘risidagi qonunga o‘zgartirishlar kiritishni rejalashtirmayapti, tizim avvaldan qabul qilingan me’yorlar asosida ishlaydi.
Ammo Ukraina barcha erkaklar xizmatga ketganda umumiy safarbarlik e’lon qilishi mumkin. Bularning barchasi urushning davomiyligi va Rossiya uni davom ettirish uchun sarflaydigan resurslarga bog‘liq.
Ukraina mudofaa kuchlarining umumiy soni bir million kishidan oshadi, shundan 800 mingga yaqini Ukraina Qurolli kuchlarida xizmat qiladi.
Izoh (0)