Kanadaning shimoli-g‘arbiy hududlarida yuzlab o‘rmon yong‘inlari davom etayotgani sabab favqulodda holat va evakuatsiya qilindi. Bu haqda CNN telekanali xabar berdi.
Yellounayf shahriga yaqinlashib kelayotgan o‘rmon yong‘inlaridan biri taxminan 165 ming gektar maydonni qamrab olgan. 20 ming odam evakuatsiya qilinmoqda.
“Biz hammamiz “misli ko‘rilmagan” degan gapdan charchadik, biroq shimoli-g‘arbiy hududlardagi holatni boshqacha ta’riflashning iloji yo‘q”, — dedi hudud bosh vaziri Kerolin Kokrayn.
Kanadaning Britaniya Kolumbiyasi provinsiyasida 360 dan ortiq faol yong‘inlar qayd etilgan. Rasmiylar vaziyat yomonlashishini kutmoqda, chunki kelgusi bir necha kun ichida jazirama kuchayishi prognoz qilingan.
Kanadadagi yong‘inlar AQSHda ham havo sifatining yomonlashishiga olib keldi. Tutun Minnesota tomon harakatlanmoqda.
Avvalroq Ispaniyaning Kanar orollaridagi o‘rmon yong‘inlari nazoratdan chiqib ketgani, Gavayidagi o‘rmon yong‘inlari sabab 110 nafardan ortiq odam halok bo‘lgani xabar qilingandi.
Izoh (0)