Ispaniyaning Kanar orollaridagi o‘rmon yong‘inlari nazoratdan chiqib ketdi, dedi mintaqa prezidenti Fernando Klavixo. Tabiiy ofatdan kamida 1,8 ming gektar maydon jabrlangan.
Hukumat Tenerife orolining bir qator qishloqlari aholisini evakuatsiya qilish boshlanganini ma’lum qildi. Xavfsiz joylarda vaqtinchalik yashash joylari tashkil etilmoqda.
Yong‘in qo‘riqxona hududida yuzaga kelgan va namlikning pastligi va kuchli shamol tufayli tezda orol bo‘ylab tarqalgan. Plyajlari va kurortlari bilan mashhur Tenerifeda xavf darajasi ortgani e’lon qilindi.
Arafo va Kandelariya munitsipalitetlarida 1,6 ming gektardan ortiq maydon yong‘indan zarar ko‘rgan. Yong‘in qo‘shni Santa Ursula va La-Viktoriyaga ham tarqaldi. 270 ga yaqin o‘t o‘chiruvchi yong‘inni bartaraf etishga harakat qilmoqda.
“Gap 22 kilometrlik perimetrdagi 1,6 ming gektar maydon yong‘indan zarar ko‘rgani haqida ketmoqda”, — dedi Klavixo.
Avvalroq Gavayidagi Maui orolidagi o‘rmon yong‘inlari sababli 110 nafardan ortiq kishi qurbon bo‘lgani xabar qilingandi.
Izoh (0)