Britaniya muzeyidan o‘g‘irlangan Rim taqinchoqlarini internetda 40 funt sterlingga (50 dollar) sotmoqchi bo‘lishdi. Bu uning haqiqiy qiymatidan ming barobar past, deb yozadi The Daily Telegraph.
Muzey o‘z kolleksiyasidan bir qancha buyumlar yo‘qolganini kech sezgan. Eksponatlar yetti yil oldin g‘oyib bo‘lgan, biroq xodimlarning hech biri ularning yo‘qolganini sezmagan, chunki muzeyda to‘liq katalog bo‘lmagan.
Voqea shov-shuv keltirib chiqarganidan so‘ng, muzey xodimlari o‘zlari qidiruvni boshladilar. Natijada o‘g‘irlangan narsalarning ko‘pchiligi internetda suv tekinga sotilayotgani ma’lum bo‘ldi.
“Yarim qimmatbaho oniks toshidan yasalgan bitta Rim zargarlik buyumi 2016-yildayoq 40 funt sterling yoki 50 AQSH dollariga sotuvga qo‘yilgan”, — dedi muzey vakili.
Shuningdek, uning qo‘shimcha qilishicha, toshning haqiqiy narxi 25 dan 50 ming funt sterlinggacha (32 dan 64 ming dollargacha) bo‘lsa-da, yetti yil davomida hech kim taqinchoqni sotib olmagan.
Britaniya muzeyidagi o‘g‘rilikda muzeyning sobiq xodimi Piter Xiggs gumonlanmoqda. U muzeyda 30 yil ishlagan va ichki tekshiruvdan so‘ng ishdan bo‘shatilgan. Xiggsning oilasi barcha ayblovlarni rad etmoqda.
Hozirda tergov London politsiyasining Iqtisodiy va jinoiy bo‘limi tomonidan olib borilmoqda. Yetkazilgan zarar miqdori 80 million funt sterlingni (102 million dollarni) tashkil qilishi mumkin.
Izoh (0)