Yangi Zelandiya hukumati qotillikda nohaq ayblangan va 18 yil qamoqda o‘tirgan Alan Xollga 2,9 million dollar tovon to‘laydi. Bu haqda mamlakat adliya vaziri vazifasini bajaruvchi Debora Rassel ma'lum qildi.
Hukumat Xollning aybsizligini tan oladi va uning nohaq sudlanganligi va qamoqqa olingani uchun uzr so‘raydi. Biz birgina uzr va taklif qilingan tovon puli u ko‘rgan adolatsizlikni to‘liq bartaraf etmasligini tan olamiz, lekin bu unga qandaydir tarzda yordam beradi deb umid qilamiz, — dedi Rassel hukumat veb-saytida e’lon qilingan bayonotda.
1986-yilda Alan Xoll Artur Istonni o‘ldirishda ayblanib, umrbod qamoq jazosiga hukm qilingandi. 1994-yilda Xoll shartli ravishda ozod qilindi, ammo uning ishi faqatgina 28 yildan keyin qayta ko‘rib chiqildi.
2022-yil iyun oyida Yangi Zelandiya Oliy sudi uning ishini ko‘rib chiqdi va sudlanganlikni bekor qilib, Alanni to‘liq oqladi.
Xoll unga yetkazilgan azob-uqubatlar uchun kompensatsiya talab qildi va bir yil o‘tgach, mamlakat hukumati unga 5 millionga yaqin Yangi Zelandiya dollari (taxminan 2,9 mln AQSH dollari) to‘lash bo‘yicha qaror chiqardi.
Izoh (0)