Pentagon Rossiyani biologik qurol yaratishda aybladi

Pentagon biologik tahdidlardan himoyalanish holati haqida hisobot tayyorladi.

Hisobotda ma’lum qilinishicha, Rossiya va Shimoliy Koreya faol hujumkor biologik qurol dasturlarini qo‘llab-quvvatlamoqda.

“Xitoy, Rossiya, Shimoliy Koreya va Eron halokatli toksinlar va patogenlarni yaratishda davom etayotgan bo‘lishi mumkin. Sintetik biologiya va peptid moddasining sintezidagi yutuqlar bu davlatlarga keng ko‘lamli yangi toksinlarni ishlab chiqishga imkon berishi mumkin”, — deyiladi hisobotda.

Pentagon, shuningdek, Rossiya sovet davridagi bioqurol yaratish bo‘yicha dasturlarni davom ettirayotganini, ularning qisqartirilganligi to‘g‘risida dalillar keltirmagani, shuningdek, ikki tomonlama biologik tadqiqotlarni yashirishda davom etayotganini ta’kidladi.

Avvalroq Rossiya Mudofaa vazirligi Qo‘shma Shtatlar navbatdagi pandemiyaga tayyorgarlik ko‘rayotganlikda va yangi virus mutatsiyalarini izlayotganlikda ayblagan edi.