“Fuqarolarning davlat pensiya taʼminoti to‘g‘risida”gi qonunning 7-moddasiga asosan, pensiyalar ish stajiga ega shaxslarga tayinlanadi. Bu haqda Pensiya jamg‘armasi eslatib o‘tdi.
Foto: “Daryo”
“Ish stajiga ega bo‘lmagan fuqarolarga yoshga doir nafaqa tayinlanadi”, — deyiladi manba xabarida
Hukumat qaroriga muvofiq, yoshga doir nafaqa ayollarga 60 yoshdan, erkaklarga 65 yoshdan tayinlanadi.
Joriy yilning 1-avgustidan boshlab zarur ish stajiga ega bo‘lmagan keksa yoshdagi fuqarolarga beriladigan nafaqa miqdori 568 000 so‘m etib belgilangan.
“Fuqarolarning davlat pensiya taʼminoti to‘g‘risida”gi qonunda davlat pensiyalarining 3 ta turi borligi qayd etilgan.
Ular:
- yoshga doir pensiya
- nogironlik pensiyasi
- boquvchisini yo‘qotganlik pensiyasi
Yoshga doir pensiya olish huquqiga:
erkaklar — 60 yoshga to‘lganda va ish stajlari kamida 25 yil bo‘lgan taqdirda;
ayollar — 55 yoshga to‘lganda va ish stajlari kamida 20 yil bo‘lgan taqdirda ega bo‘ladi.
Pensiya tayinlash uchun yetarlicha ish stajiga ega bo‘lmagan shaxslarga yoshga doir pensiyalar kamida 7 yil ish staji mavjud bo‘lgan taqdirda, bor stajga mutanosib miqdorda tayinlanadi.
Izoh (1)
Иш.стажи.кам.булса.пенсияга.чикадиган.вакт.хам.давлатга.пул.туласа.буладими.