Toshkent shahar avtobus chiptachisi talabaning ID kartasini olib qo‘ygani haqidagi xabar ijtimoiy tarmoqlarda tarqalib, ko‘plab muhokamalarga sabab bo‘ldi. “Toshshahartransxizmat” AJ holat yuzasidan munosabat bildirdi.
Unga ko‘ra, ushbu qoidabuzarlik 4-Avtobus saroyi filialiga biriktirilgan, davlat raqami 01 063 NKA bo‘lgan 57-sonli Oloy bozori bekati—Erkin qo‘rg‘oni avtobus yo‘nalishi chiptachisi K.A tomonidan amalga oshirilgani aniqlandi. “Shahar yo‘lovchilar transport to‘g‘risida”gi qonunning 25-moddasiga muvofiq, yo‘lovchilar imtiyozli yurish huquqini tasdiqlovchi hujjatlarni olib yurishlari va ko‘rsatishlari majburiy etib belgilangan.
Qayd etilishicha, hozirda ayrim universitet va institutlarda talabalik guvohnomasi ID karta ko‘rinishida berilayotgani va ushbu ID kartalar ham talabalik guvohnomasi sifatida teng kuchga egaligi munosabati bilan, talabaning ID kartasini nohaq tortib olgani hamda yo‘lovchi tashish qoidasini buzib, o‘z xizmat vazifasini to‘g‘ri bajarmagani sababli mazkur chiptachi bilan tuzilgan mehnat shartnomasi bekor qilindi.
Izoh (0)