O‘zbekiston musulmonlar idorasi tasarrufidagi o‘rta maxsus islom taʼlim muassasalariga o‘qishga qabul qilish bo‘yicha test sinovlari 2023-yil 17-avgust kuni 1 smenada bo‘lib o‘tadi va soat 09:00 da boshlanadi. Bu haqda idora axborot xizmati xabar berdi.
Maʼlum qilinishicha, talabgorlar test sinovi o‘tkaziladigan hududga shaxsini tasdiqlovchi hujjat va test sinovida ishtirok etish uchun ruxsatnoma bilan 08:00 dan kechikmagan holda kelishlari kerak.
“Test sinovida ishtirok etish uchun ruxsatnoma olish tartibi talabgor taʼlim muassasasiga taqdim etgan telefon raqamiga sms xabar tarzida yuborilmoqda (sms xabar kelmagan abituriyentlar hujjat topshirgan taʼlim muassasasiga murojaat qilishlari so‘raladi)”, — deyiladi xabarda.
Abituriyentlar quyidagi hudud va binolarda imtihon topshiradi:
- “Muhammad ibn Ahmad al-Beruniy”: Nukus olimpiya va paralimpiya sport turlariga tayyorlash markazi (Nukus shahri);
- “Faxriddin ar-Roziy”: Bilim va malakalarni baholash agentligining Xorazm viloyatidagi binosi (Urganch tumani);
- “Xadichai Kubro”: “O‘zekspomarkaz” milliy ko‘rgazmalar majmuasi (Toshkent shahri);
- Mir Arab: Bilim va malakalarni baholash agentligining Buxoro viloyatidagi binosi (Buxoro tumani);
- “Hidoya”: Bilim va malakalarni baholash agentligining Namangan viloyatidagi binosi (Davlatobod tumani);
- “Sayyid Muhyiddin maxdum”: Andijon olimpiya va paralimpiya sport turlariga tayyorlash markazi maneji 1-bino (Andijon shahri);
- “Xoja Buxoriy”: Qarshi olimpiya va paralimpiya sport turlariga tayyorlash markazi maneji-1 (Qarshi shahri);
- “Jo‘ybori Kalon”: “Yoshlik” sport majmuasi basketbol 1-sport zali Semurg‘ sport majmuasi (Buxoro shahri);
- “Ko‘kaldosh”: “O‘zekspomarkaz” milliy ko‘rgazmalar majmuasi (Toshkent shahri);
- “Imom Termiziy”: Sportning o‘yin turlari va yengil atletikaga ixtisoslashtirilgan bolalar va o‘smirlar sport maktabi (Termiz shahri).
Izoh (0)