“Zaxira” farzand, to‘rttagacha ism, maxsus agent sifatida ishlashi mumkin bo‘lgan enagalar — Qirollik merosxo‘rlarining tug‘ilishi va tarbiyasi bilan bog‘liq eng noodatiy an’analar

Qirollik merosxo‘rlari har kuni tug‘ilmaydi, shuning uchun bunday yangilik dunyo bo‘ylab qizg‘in munozaralarga sabab bo‘ladi. Masalan, Kembrij gersogi va gersoginyasi Ketrinning uchinchi farzandiga homiladorligi e’lon qilinganda, Buyuk Britaniyadagi bukmekerlik idoralarida arizalar soni keskin oshib ketdi. Chet elliklar va inglizlar hamma narsaga pul tikishadi: tug‘ilmagan bolaning jinsi, uning ismi, cho‘qintirish sanasi va hatto Keyt farzandini qayerda dunyoga keltirishi haqida ham.

Qirollik oilasida kamida ikki bola dunyoga kelishi kerak

Bu qariyb 60 yildan beri davom etmoqda. Gap shundaki, qirollik oilasiga mansub er-xotin kamida ikkita farzandga ega bo‘lishlari kerak — merosxo‘r va “zaxira” bola. Albatta, 2 tadan ko‘p farzandli bo‘lish ixtiyoriy — hozircha qirollik oilasida 4 nafar farzandni dunyoga keltirgan yagona odam — Yelizaveta II. Ammo Kembrijlar oilasida uchinchi merosxo‘r tug‘ildi, ular kelajakda marhum monarxdan o‘rnak olishga qaror qilishadi, deb gumon qilishga asos bor.

Homiladorlik haqida 12 haftadan keyin ma’lum qilinadi

Vindzor onalari uchinchi oygacha buni sir saqlashlari kerak, ammo Kembrij gersoginyasi bu qoidani buzdi. Rasmiy tadbirlarda qatnasha olmagani uchun muddatidan oldin bu haqda e’lon qilishga majbur bo‘ldi. Buning sababi toksikozning juda kam uchraydigan va xavfli shakli bo‘lib, Ketrin homiladorligining har birida bundan azob chekkan.

Bolaning jinsi oxirigacha sir saqlanadi

Hatto Keyt va Uilyam ham bu an’anani buzmagan. Jamoatchilik kelajakdagi merosxo‘rning jinsi haqida bo‘lajak ona kiygan kiyimlarga qarab taxmin qiladi. Bir so‘z bilan aytganda, bu yangilik oxirigacha sir saqlanadi.

Qirol oilasi uchun uyda tug‘ilish odatiy hol

Bu ko‘p asrlardan beri davom etayotgan an’ana. Masalan, Yelizaveta II o‘sha paytda Britaniya tojining to‘g‘ridan to‘g‘ri vorisi bo‘lmasa-da, shahzoda Albert va uning rafiqasi Elizabetning oilaviy mulkida tug‘ilgan. Qirolichaning o‘zi ikkala o‘g‘lini Bukingem saroyida — qizi Annani esa Klarens-Hausda dunyoga keltirgan.

Ammo so‘nggi bir necha o‘n yilliklarda qirol oilasida yangi an’ana — tug‘uruqxonada tug‘ish odatga aylandi. Malika Diananing o‘g‘illari — Uilyam va Garri Londondagi Avliyo Meri tug‘uruqxonasida tug‘ilgan. Kembrij gersoginyasi ham qaynonasidan o‘rnak olib, Jorj va Sharlotta tug‘ilishi uchun xuddi shu yerni tanladi. Bu yerda 2018-yil 23-aprelda qirollik juftligining uchinchi farzandi tug‘ildi.

Tug‘uruqni qabul qilish uchun rasmiy ginekolog tayinlanadi

Misol uchun, shahzoda Jorjning tug‘ilishi Buyuk Britaniyaning yetakchi ginekologi ser Markus Setchell tomonidan qabul qilingan, u uzoq vaqt davomida Elizabetning o‘ziga xizmat qilgan. Ilgari bu lavozimni qirollik oilasining to‘qqizta chaqalog‘ini dunyoga keltirishga muvaffaq bo‘lgan ser Jorj Pinker egallagandi.

Qizig‘i shundaki, otalarga asrlar davomida tug‘ilishni kuzatishga ruxsat berilmagan. Ushbu an’anani birinchi bo‘lib buzgan Yelizaveta II edi. To‘rtinchi farzandiga homilador bo‘lgan qirolicha tabiiy ota-onalik haqidagi yangi kitoblarni o‘qib, tug‘uruqda turmush o‘rtog‘ining ishtirok etishini talab qiladi. Malika Diana ham farzandlarini erining ishtirokida dunyoga keltirgan. Keyt va Uilyam ham buvisi hamda onasidan o‘rnak oladi: shahzoda har uchala merosxo‘rning tug‘ilishida ishtirok etgan, bu haqda Kensington saroyining Twitter akkauntida rasman xabar berilgan.

Bolaning tug‘ilishi o‘ziga xos tarzda e’lon qilinadi

Birinchilardan bo‘lib Kembrij gersogi va gersoginyasi Kensington saroyi matbuot xizmati orqali to‘ng‘ich farzandlari tug‘ilganini e’lon qiladi. Biroq urf-odatlar buzilmaydi. Gap shundaki, qirollik oilasida chaqaloq tug‘ilganda, Bukingem saroyi oldiga unga tegishli bayonet yozilgan katta zarhal molbert qo‘yiladi. Ilgari qog‘ozga qo‘lda yozilgan va ruhoniyning imzosi talab qilingan, bugungi kunda u chop etiladi.

Yana bir an’anaga ko‘ra navbatdagi qirollik avlodining tug‘ilishi norasmiy jarchi tomonidan e’lon qilinadi. Hozirgi kunda bu lavozimni Toni Applton egallab turibdi — aynan u 2013 va 2015-yillarda Jorj va Sharlotta tug‘ilganini e’lon qilgan. Shuningdek, u Kembrij gersoginyasining uchinchi farzandi dunyoga kelishini ham e’lon qildi.

Londonda shahzoda yoki malika tug‘ilgani haqida e’lon qilingandan so‘ng, tantanali ravishda zambaraklardan o‘q otiladi

Touer Brij yaqinidagi tarixiy to‘plardan 62 ta, Bukingem saroyi yaqinidagi zambaraklardan 41 ta o‘q otiladi. Bularning barchasi qirollik avlodi va uning ota-onasiga hurmat sifatida qilinadi.

Vindzor otalariga ham tug‘uruq ta’tili beriladi

Bu, albatta, an’ana emas, balki qiziqarli fakt. Ikkala farzandi tug‘ilgandan so‘ng, shahzoda Uilyam qonuniy ta’til olgan. To‘g‘ri, buning uchun haq to‘lanmaydi. Lekin yangi tug‘ilgan chaqaloqqa g‘amxo‘rlik qilish uchun otalarga ham sharoit yaratib beriladi.

Qirollik ota-onalari farzandlarini ro‘yxatdan o‘tkazishlari kerak

Angliya va Uels qonunlariga ko‘ra, har qanday bolaning tug‘ilishi dastlabki 42 kun ichida tegishli muassasa yoki shifoxonada ro‘yxatga olinishi kerak.

Qirollik bolalari to‘rtta ismga ega bo‘lishi mumkin

Shahzoda Jorjning to‘liq ismi — Jorj Aleksandr Lui, malika Sharlotta — Sharlotta Elizabet Diana va Kembrij gersogi Uilyam — Artur Filipp Luis. Odatda buyuk Britaniya monarxlari va qarindoshlarining ismlari merosxo‘rlarning ismlarida aks etadi. Ammo qirollik avlodlari Vindzor (yoki Mountbatten-Vindzor) familiyasidan deyarli foydalanmaydi (masalan, maktabda shahzoda Jorj), agar bu juda zarur bo‘lsa unda unvoni qo‘shib aytiladi. Masalan, Uilyam va Garri maktabda “Uelsliklar”, Jorj esa “Kembrijlik” familiyasiga ega.

Qirollik bolalari uyda ta’lim olishi kerak

Ayni paytda ingliz adabiyoti va fransuz tilini uyda o‘rgangan oxirgi odam qirolicha Yelizaveta II bo‘ldi. Necha yillik e’tiqodga qaramasdan, birinchi bo‘lib maktabga shahzoda Uilyam emas, balki shahzoda Charlz borgan. Yelizaveta II ning o‘g‘li dastlab Buyuk Britaniya va Avstraliyadagi bir qancha maktablarda o‘qigan, so‘ngra Kembrijga o‘qishga kirgan. Aytgancha, bu yana bir an’ananing buzilishi edi, unga ko‘ra balog‘atga yetgan shahzodalar darhol Qirollik Qurolli kuchlarida xizmat qilishlari kerak edi.

Keyinchalik yangi odatni malika Diana, undan keyin Kembrij gersoginyasi qo‘llab-quvvatladi, uning o‘g‘li Jorj 2017-yil sentabr oyida Thomas’s Battersea maktabining birinchi sinfiga bordi. 2019-yilda uning singlisi Sharlotta ham shu yerda o‘qidi.

Agar bobosi va buvisi oddiy odamlar bo‘lsa, bolalarga ular bilan muloqot qilish taqiqlanadi

Ushbu shafqatsiz an’anani, kutilganidek, Kembrij gersoginyasi buzdi — u o‘z oilasini juda qadrlaydi. Shunday qilib, onasi Kerol Middlton Ketrin farzandlarini ishonadigan yagona odam hisoblanadi. Bundan tashqari, ota-onasining Berkshirdagi uyi an’anaga zid ravishda Kembrijlar oilasi Rojdestvoni nishonlaydigan yagona joyga aylandi.

Qirollik enagalari maxsus mashg‘ulotlardan o‘tadi

Bu hazil emas. Qirollik merosxo‘rini begona ayolga ishonib topshirishdan oldin, unga nafaqat qirollik protokoli, balki mashinani ehtiyotkorlik bilan haydash, barcha xavfsizlik choralari va hatto taekvondo ham o‘rgatiladi.

Bolalar Trooping the Color marosimida qatnashishlari shart

Har yili qirolichaning tug‘ilgan kuni sharafiga an’anaviy tarzda shou o‘tkaziladi — qirollik oilasining barcha a’zolari bayramda qatnashishi shart. Ularning yoshidan qat’i nazar. Yangi tug‘ilgan chaqaloqqagina istisno bo‘lishi mumkin.